ೋ ألبوم الفنان / عبد الرحمن الحريبي ( محيت أسمك) ೋ

مســــــــــاء الخيـــــــــر

شــــــــلونــــــــكـــم

اقدم لكم ألبوم الفنان الرائع ملك الرومانسيه والصوت الجميل
عبدالرحمن الحريبي
في البوم اسمه محيت اسمك
يتضمن الالبوم 10 اغنيات في غايه الرووعه

محيت أسمك

كلمات : تركي ..
الحان : طارق محمد ..
توزيع : محمد مصطفى ..

محيت إسمك
مآ ابي افرح لو ذكرت
ما ابي احزن لو نسيت
انا في حبك وصلت
اني ارحمني
اني اكرهني
ليه على نفسي جنيت
ليه احبك فوق حبي لي خطا
ليه ارضى منك حقي منك خطا
ليه تاخذ و انت ما تقوى العطا
محيت إسمك
ليه ( بتذبحني ) و اطاوعك و اجيك
ليه اسلم عمري و احلامي بإيديك
ليه يا غالي انا هاين عليك

فمآن الله

كلمات : وسيم باسعد ..
الحان : نغم ..
توزيع : عمر عبدالعزيز ..

فمان الله يا حب غالي بدنياي
فمان الله يا طيف ما فارق سماي
برحل عن دنيتك و بترك هواك
روح من قلبي روح الله معاك
يا بايع احساسي و ناسي هواي
فمان الله يا حب غالي بدنياي
جزاي بمحبتك اني وفيت
و آخرها يا قاسي تجاهلت و مشيت
ما همك احساسي و ما همك رضاي
فمان الله يا حب غالي بدنياي
عطيت في محبتي من كل شعور
و انت ما قدّرت حبي يا غرور
روح و انا ربي بإيدينه دواي
فمان الله يا حب غالي بدنياي

الفـراق

كلمات : عبدالسلام الحمري ..
الحان : محمد العريفي ..
توزيع :

الفراق مو بالمسافه اللي بيننا و انت بعيد
الفراق هو انت عندي و انا احس انك بعيد
و السكوت يطعني سيفه و بعدك لجرحي يزيد
هذي هي قصة عذابي شلون تريد اكون سعيد ؟
ما ابي غير ابتسامه و لمسه تعطيني الأمان
ذوب احساسي بوجودك و لمسه تغمرني بحنان
اطوي بالحب المسافه خذني بجناح الزمان
انا منك و انت مني لوحه في احلى مكان
حرك احساسي بنظره تملك الروح اللي فيني
اطلب الدنيا عطيتك كل اوراق و سنيني
المشاعر بأحلى صوره و الحنين بينك و بيني
همسه منك ضحكه مني نظره من عينك لعيني

من وجودي

كلمات : فيصل ..
الحان : محمد العريفي ..
توزيع : احمد اسدي ..

من وجودي فز قلبي فزته فزة كسير
صايح بصدري دموعه وسط صدري بحراره
شايف ظلمك لحبي عايش الحب العسير
ارحمي من مل صبره دمع ليله بغزاره
فرحتي انتي بقربي كاتبه بخط المصير
عايش حبك مجره رغم نزفه و مراره
صافي دربك بدربي سالك درب المسير
لا تضيع سنين عشره تنهي حبي بخساره
السنين تاخذ و تعطي كل من فيها خبير
و الحكيم فيها يقايس ماخذ كل قراره
و الحياه في عمر منهو ماشي فيها ضرير
تحرمه من حلم عمره ضايع بخساره

خايـن

كلمات : سارهـ ..
الحان : يوسف ..
توزيع : طارق عاكف ..

عديم القلب و الإحساس
خاين مثل هالناس
حسبتك مخلص و وافي
لقيتك ما لك اي اساس
تجرحني و لا تبالي
ولا ترثي بحالي
قلبك ما عرف غالي
و حبك جنه مآتنداس
حبيبي بانت عيوبك
لا تراوغ في اسلوبك
ثوبي ما هو بثوبك !
و انت دون هالأجناس
تبيع من شرا حبك
علّى في قدر قلبك
ذنبي ما هو بذنك
اغليتك بلا مقياس
تراني و الله مستغني
عن حبك وصدقني
حياتك لا ماتلزمني
حياة الشك والوسواس
و بلقى بالبشر ثاني
من بعيونه يرعاني
دام انت اتحداني
بحطم في رجاك الياس

وصلت
كلمات :المعتصم ..
الحان : ثامر السعيد ..
توزيع : احمد ..

وصلت و الا ايدك بإيد اللي انت له مسافر
وصلت و الا عين غير عيني لعيونك تناظر
و الا انا
عذابي انا
غرامي انا
انت وصلت ؟
المشكله غرامي هوا المشكله
شكي و ظنوني اصبحت انا مااتحمله !
ما افهمه ما بإيدي شي
يقسى علي و ارد ثاني احن له
انت وصلت ؟
يحبني و الا انا بس مرحله
من اللي شافه من اللي بس استقبله
ودي اسأله خايف يمل
ما هو سهل سؤالي من هو يكمله
انت وصلت ؟!

حبك ما يروح

كلمات : فوزان الناصر ..
الحان : فيصل العربيد ..
توزيع : عمر عبدالعزيز ..

الا غلاك انسى من قلبي يروح !
لو يروح العمر باقي اذكره
روح عني وين ما ودك تروح !
هذا وش ناويه عليه
هذا و انت تموت فيه
انتوا لا لا تظلمونه
الجفى ما هو بإيديه
ما اتصور حالتي لما تغيب ؟
آهـ يا حبك في قلبي ما اكبره
انت شمعه بدنيتي و لا غبت اغيب
صج هالدنيا غريبه
ضيعت منه حبيبه
لو تقولوا ما تقولوا
ذا نصيبي مع نصيبه
يا حبيبي اطلبك قبل الرحيل
لا صفى وقتك حبيبك اذكره
مستحيل انساك و الله مستحيل
من يصدق هالحكايه
الوفا حتى النهايه
من هو قال ان انتهينا
احنا تونا في البدايه

حبنا ماضي

كلمات : نواف الشلهوب ..
الحان : بدر محمد ..
توزيع : عمر عبدالعزيز ..

احسب حبنا ماضي
و اصبح للأسف ماضي
تصدق يا رفيق الأمس
على فرقاك انا راضي
و دامك ما انت في قربي
عساها من كذا و ازود
احسك لو تجي قربي
ذليل بيومك الأسود
يكفي منك ما جاني
اي لين الحين يا جاني !
وفر كل اعذارك !
قلها لخلك الثاني
لأنك من تبع عاذل
ظالم و احسبك عادل
حالي من كثر ما جاه
خاوا جسمي الناحل
مثلك لو يراضيني
دموعه لو تناديني
فيني مآيصحي شعور
عشانه طاح من عيني
و عافك خاطري بالحيل !
و شمسي ما تعيش بالليل
يا شيخ ان قالها ربي
بتشرب في بعادي الويل

طلبتـك

كلمات : حربي الظفيري ..
الحان : عبدالعزيز ..
توزيع : امير .. <

شكيت و الزمن ميت
و لا من هو سمع شكواي
يا ناس حالتي صعبه
بكيت و ما سمعتوا بكاي
طلبتك التفت يمي قبل لا تنهي ايامي
بعيش اللي بقى بعمري معك يابهجة سنيني
عدمت الفرحه في عيني بعد ناوي على اعدامي
حرام تسوي كل هذا .. ترى اللي فيني يكفيني
اشوف و ما اشوف الا عذابك داخلي حامي
يجي احيان يخليني بغيبوبه وينهيني
قضى عمري و انا اعطيكبالفرحه و انا ظامي
اجامل بسمتك و اضحك و انا بحر الحزن فيني
اجيك بلهفتي اركض اسابق خطوة اقدامي
مصيبه يوم انا جيتك من الأحزان تسقيني
ملامح وجهي غطاها الألم و الخوف و اوهامي
عماني الوقت بدروبي اضيع و ما يدليني
و ربي قمت احس ان الفرح يفرح بآلامي ؟!
و احس الليل و الغربه هم احبابي و عناويني
وصلتك يا شقى عمري ابي تجمع لي حطامي !
وصلت لدنيتك و انت و ضميرك لا تخليني
ابي مره و لو مره اشوف الفرحه قدامي
و لكن وينها الفرحه اموت و ما تعزيني
انا ما همني حزني و لا همتني همومي
و لكن ليه يا دنيا اذا بضحك
تبكيني ؟

وحشة الدنيا
كلمات : ساره ..
الحان : فيصل العربيد ..
توزيع : عمر عبدالعزيز ..

بشتاق لو طال بي الفراق
ما ردي لعيونكم ذايب من الأشواق !
سافرت له ودي افارقكم يا احباب
سافرت له ودي بفراقكم ساعه
بس القدر مكتوب و مقدّره الأسباب
تغيبوا عن عيني و قلبي تزيد اوجاعه
بشتاق لو طال بي الفراق
ما ردي لعيونكم ذايب من الأشواق
يا وحشة الدنيا لو فارقونا قراب
يضيق فينا الكون رغم اتساعه
و هذي بلاة الشوق و الهوى غلاب
ما يرحم المشتاق و لا يقدر اوضاعه
بشتاق لو طال بي الفراق
ما ردي لعيونكم ذايب من الأشواق !
قلبي شكى مشتاق ما يحتمل الغياب
يا شين بعد اللي له الروح ملتاعه
بس اذكروني في غيبتي يا اقرب الأحباب
مهما فراقي طال و الوقت ما طاعه

بصراااااااااحه الكلمات
مره حلوه
خاصه الفراق...........روعه
حمستني اشتري السيدي
يسلمووووووووووووووو
قلبوووووووووووووووو

الاغاني كلماتها اكثر من رائعه تسلم اخوي بحر الشوق على ذوقك flower

فراااوله الحب

مشكووور يا الغلا على المتابعه الاموره

غلا روحي

يعطيك ربي العافيه على الذوق يا ذوق

تحياتي لكم